رحيل "سعيد صالح"

لما بتفاجئنا لحظات موت حد زي "سعيد صالح".... وبشوف ردود أفعالنا عليها بتتعرى قدامي أكتر ... فكرة إننا مصاصين دماء...مش بس للأجناس التانية... احنا بنتغذى على أشلاء بعض

....

سعيد صالح اللي الناس "افتكرته" بعد ما مشي خلاص... ما كانشي بيمثل للناس أكتر من "ونس" ولحظات هما ضحكوا فيها زمان.... سعيد صالح "الفنان" مات مع آخر عمل ليه.. زيه زي كل فنان... بيعيش لحد آخر إبداع ليه بس... وبعد كدا بيموت الجسد...الفنان بالنسبة لك... مش كائن... مش شخص... بالنسبة لك.. هو مورد لذة واستمتاع... الفنان بيبقى "وظيفة" .. مش "كيان".. ولذلك... بيبقى رد الفعل هو 

مسم... إهيء.. ها نفتقد "ما كنت تمثله بالنسبة لنا"... لأننا حين عرفناك... ما عرفنا سوى لذتنا واستمتاعنا.. وبغياب الجسد... تنعدم إمكانية تكرار حصولنا على هذه اللذة

....

أنا ب افضل الصمت في اللحظات اللي زي دي... عشان .. الصمت بيبقى اصدق بالنسبة لي من مواكب التأبين اللي بتبقى عايزة تقول "I do care about you" لكنها في الواقع بتقول كل حاجة إلا دا

سيلفي

في الليل

ينزل عن صليبه

ينسج

من صبارتين

قميصا يرتديه 

وقفازين

يخمش بهما

الدم المتخثر

على خديه

- فينضحا

بدم أكثر طزاجة-

يقطف زهرتين

من حنظل

نمتا بين قدميه

لبرهة يلوكهما...

يصنع منهما إكليلين

ويضبط وضعهما

على رأسه

ثم يخرج هاتفه الجوال

ملتقطا صورتي "سيلفي" 

ويضعهما على صفحته

في "فيسبوك"

ثم يرتقي إلى صليبه

في انتظار ليل الغد